Məxfilik siyasəti

Son yenilənmə: 6 oktyabr 2026

1. Hansı məlumatları toplayırıq

• Hesab: telefon nömrəsi və (və ya) e-poçt, ad.
• Sifariş: çatdırılma ünvanı və ya təhvil məntəqəsi, sifariş etdiyiniz məhsullar, məbləğ.
• FİN kodu: yalnız gömrük rəsmiləşdirməsi üçün. Şifrələnmiş saxlanılır, hesabda yalnız son simvolları görünür.
• Ödəniş: kart məlumatlarını birbasa görmür və saxlamır. Ödəniş xidməti bizə yalnız ödənişin nəticəsini bildirir.
• Saytdan istifadə: baxdığınız və bəyəndiyiniz məhsullar, axtarışlar. Bunlar anonim ziyarətçi identifikatoruna bağlıdır və sizə uyğun məhsullar göstərmək üçün istifadə olunur. Ümumi statistikanı (ziyarət sayı, alış-veriş addımları) Google Analytics ilə ölçürük.
• Rəylər: yazdığınız mətn, foto və videolar.

2. Nə üçün istifadə edirik

• Sifarişi qəbul etmək, ödəmək, çatdırmaq və qaytarma müraciətinə baxmaq.
• Sifariş haqqında bildiriş və giriş kodu göndərmək (WhatsApp və e-poçt).
• Saytı və tövsiyələri yaxşılaşdırmaq, fırıldaqçılığın qarşısını almaq.
• Qanunla tələb olunan hallarda (məsələn, gömrük və vergi).

3. Kimlə paylaşırıq

Yalnız işin icrası üçün lazım olan qədər: çatdırılma şirkəti (ad, telefon, ünvan və ya məntəqə), gömrük orqanı (FİN və bağlama məlumatı), ödəniş xidməti, e-poçt və mesaj göndərən xidmətlər, saytın hostinq və təhlükəsizlik provayderi, sayt statistikası üçün Google Analytics. Məlumatlarınızı reklam üçün üçüncü tərəflərə satmırıq.

4. Nə qədər saxlayırıq

Hesab məlumatlarını hesab açıq olduğu müddətdə, sifariş məlumatlarını qanunun tələb etdiyi müddətdə saxlayırıq. Saytdan istifadə məlumatları (baxışlar, axtarışlar) 90 gündən sonra silinir.

5. Hüquqlarınız

«Fərdi məlumatlar haqqında» Azərbaycan Respublikasının Qanununa uyğun olaraq məlumatlarınızı görmək, düzəltmək və silinməsini istəmək hüququnuz var. Profil məlumatlarını hesabınızda özünüz dəyişə bilərsiniz. Hesabın və məlumatların silinməsi üçün bizə yazın.

6. Təhlükəsizlik

Sayt yalnız şifrələnmiş bağlantı (HTTPS) ilə işləyir. Giriş şifrəsiz, bir dəfəlik kodla edilir, FİN kodu şifrələnmiş saxlanılır.

7. Kukilər

Hansı kukilərdən istifadə etdiyimiz Kuki siyasətində yazılıb.

Əlaqə

Bu sənədlə bağlı sualınız varsa, info (at) birbasa.com ünvanına yazın.

Digər sənədlər: İstifadə şərtləri, Satış şərtləri, Kuki siyasəti.